Нэгдсэн удирдлагын бодлого

“Домогт Хан Алтай” ХХК-ийн харилцагчийн хэрэгцээ, хүлээлтийг хангаж, бүтээгдэхүүн үйлчилгээний чанар, найдвартай байдлыг тасралтгүй сайжруулахын зэрэгцээ байгаль орчны сөрөг нөлөөллөөс урьдчилан сэргийлж, нөөцийг үр ашигтай ашиглахыг эрхэмлэн ажиллана.

Бид ISO 9001:2015 ISO 14001:2015 стандартын дагуу хууль тогтоомж, холбогдох шаардлагыг мөрдөж, эрсдэл ба боломжийг  удирдан, нэгдсэн менежментийн тогтолцоогоо тасралтгүй сайжруулах үүрэг хүлээнэ.

Бидний зорилго:

• Харилцагчдад чанартай, найдвартай бүтээгдэхүүн үйлчилгээг тохирсон хугацаанд хүргэж, сэтгэл ханамжийг нэмэгдүүлнэ. 
• Худалдан авалт, тээвэрлэлт, хадгалалт, нийлүүлэлт болон борлуулалтын дараах үйлчилгээнд чанарын хяналтыг хэрэгжүүлнэ. 
• Байгаль орчны бохирдол, сөрөг нөлөөллөөс урьдчилан сэргийлнэ. 
• Ашигласан дугуй, сав баглаа боодол, сэлбэг хэрэгсэл болон бусад хог хаягдлыг зохистой удирдана.
• Эрчим хүч, ус, түлш материалын хэрэглээг хэмнэлттэй,  үр ашигтай зохион байгуулна. 
• Хууль тогтоомж, стандарт, гэрээний болон бусад нийцлийн үүргийг мөрднө. 
• Эрсдэл боломжийг тогтмол үнэлж, чанар болон байгаль орчны гүйцэтгэлийг тасралтгүй сайжруулна.   

Энэхүү бодлого нь олон нийтэд нээлттэй байх бөгөөд Домогт Хан Алтай ХХК-ийн нийт ажилтан, гэрээт байгууллага, ханган нийлүүлэгч болон холбогдох бусад сонирхогч талууд үйл ажиллагаандаа дагаж мөрднө.